සහන කාලයක් ලබා දුන්නද ප‍්‍රධාන ආර්ථික මධ්‍යස්ථාන වෙත අද දිනයේ එළවළු සැපයුම් තවදුරටත් අඩාල වී පැවතුණා. පිටකොටුව මැනිං වෙළෙඳපොළට අද දිනයේ ළඟා වූයේ එළවළු ලොරි 40ක් පමණයි. සාමාන්‍යයෙන් දිනකට ඒ වෙත ළඟා වන ලොරි සංඛ්‍යාව 150කට ආසන්න වනවා.
ප්ලාස්ටික් කූඩ භාවිතය සඳහා සහන කාලය ප‍්‍රකාශයට පත් කෙරුණේ ඊයේ රාති‍්‍රයේයි. ඒ අනුව එළවළු තොග සූදානම් කිරීමට ගොවීන්ට නොහැකි වීම මෙම තත්වයට හේතුවන්නට ඇතැයි එම වෙළෙඳපොළ වෙළෙඳ පොළ ව්‍යාපාරිකයින්ගේ සංගමයේ ලේකම් ගාමිණී හඳුන්ගේ මහතා ප‍්‍රකාශ කළා.
මීගොඩ , දඹුල්ල වැනි ආර්ථික මධ්‍යස්ථාන වෙත එළවළු සැපයුම්ද අද මුළුමනින්ම යථා තත්වයට පත් වූයේ නැහැ. එහෙත් සමස්ත ආර්ථික මධ්‍යස්ථාන එ්කාබද්ධ එකමුතුව පවසන්නේ මෙම තත්වය කඩිනමින් පහව යනු ඇති බවයි.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.