පුංචි තමිල්නාඩුව නමින් හැඳින්වෙන, නවකැලණි පුර ප්‍රදේශයේ පුද්ගලයකු අද පෙරවරුවේ කිසියම් පිරිසක් විසින් පැහැරගෙන ගොස් තිබෙනවා. ග්‍රෑන්ඩ්පාස් පොලිස් බලප්‍රදේශයට අයත් නවකැලණිපුර පදිංචි බාලක්‍රිෂ්ණන් ආනන්දන් නමැති පුද්ගලයකු අද පෙ.ව. 8.00 ට පමණ සුදු වෑන් රථයකින් පැමිණි පිරිසක් විසින් පැහැරගෙන ගොස් ඇති බවට, සිවිල් අධීක්ෂණ කොමිසමට පැමිණිල්ලක් ලැබී ඇති බව එහි කැඳවුම්කරු ප්‍රජාතන්ත්‍රවාදී ජනතා පෙරමුණේ නායක මනෝ ගනේෂන් මහතා පවසනවා.
45 හැවිරිදි මෙම පුද්ගලයා සිය දරුවා පාසලට කැටුව ගොස් තම යතුරුපැදියෙන් නිවස බලා එමින් සිටියදී සුදු වෑන් රථයක් පැමිණ මග හරස් කර ඇති බවත් එහි පුද්ගලයින් 4 දෙනෙකු සිටි බවට අවට සිටියවුන් දැක ඇති බවත් හෙතෙම කියා සිටියේය.
කෙසේ වෙතත්අප කළ විමසීමකට පිළිතුරු දෙමින් පොලිස් මාධ්‍ය ප්‍රකාශක පොලිස් අධිකාරී අජිත් රෝහණ මහතා කියා සිටියේ පුද්ගලයකු පැහැරගත් බවට පැමිණිල්ලක් ලැබී ඇති බව හා ඒ පිළිබඳ විමර්ශන ආරම්භ කර ඇති බවයි.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.