කැලණිය විශ්ව විද්‍යාලයේ සිසුන් දෙපිරිසක් අතර ගැටුමකින් සිසුන් දෙදෙනෙකු තුවාල ලබා රෝහල්ගත කර තිබෙනවා. පොලිසිය පැවසුවේ ඊයේ රාත‍්‍රියේ පැවති සාදයකදී එම විශ්ව විද්‍යාලයේ පළමු වසර සහ දෙවන වසර සිසුන් අතර ගැටුම ඇතිවී තිබෙන බවයි. තුවාල ලැබූ දෙදෙනාම පළමු වසර සිසුන් බවද ප‍්‍රකාශ කෙරුණා. ඊට සැකපිට දෙවන වසර සිසුවෙකු අත්අඩංගුවට ගත් බවයි පොලිසිය වැඩිදුරටත් පැවසුවේ.
මේ අතර දඹුල්ල පැල්වැහැර කෘෂිකර්ම විද්‍යාලයේ පළමු වසර හා දෙවන වසර සිසුන් අතර ද ඊයේ සවස ගැටුමක් ඇති වී තිබෙනවා. එයින් තුවාල ලැබූ පළමු වසරේ 17 දෙනෙකු දඹුල්ල රෝහලට ඇතුළත් කෙරුණු අතර, ඔවුන්ගෙන්4 දෙනෙකු සිසුවියන් බවයි නෙත් නිවුස් වාර්තාකරු පැවසුවේ. දෙවන වසරේ සිසුන් තුන්දෙනෙකු ද එම රෝහලට රැුගෙන ගොස් ඇතත් ඔවුන් පලාගොස් තිබෙනවා. විමර්ශන සිදුකරන්නේ දඹුල්ල පොලිසියයි.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.