මෛතී‍්‍රපාල සිරිසේන මහතා පිළිගනිමින්, ඉදිරි ක්‍රියාමාර්ග සාකච්ජා කිරීම සඳහා එජාප නායක රනිල් වික්‍රමසිංහ මහතාගේ ප්‍රධානත්වෙන් විපක්ෂ නායක කාර්යාලයේ ඊයේ (21) රාත්‍රී පැවති විශේෂ සාකච්ජාවේදී ප්‍රේමදාස මහතා එබව සඳහන් කර ඇත.
පුජ්‍ය මාදුළුවාවේ සෝභිත, පුජ්‍ය අතුරලියේ රතන හිමිවරුන්ද, හිටපු ජනාධිපතිනි චන්ද්‍රිකා බණ්ඩාරනායක කුමාරනතුංග, අර්ජුන රණතුංග, රාජිත සේනාරත්න, වසන්ත සේනානායක, රජිව් විජේසිංහ, දුමින්ද දිසානායක, මෙන්ම, එජාප නායකත්ව මණ්ඩල සාමාජික කරු ජයසුරිය, උප නායක රවී කරුණානායක, මංගල සමරවීර, කබීර් හෂීම් මහත්ම මහත්මීන් ද ඊට සහභාගී වී ඇත.
මනෝ ගනේෂන් හා වික්‍රමබාහු කරුණාරත්න, සනත් මනමේන්ද්‍ර, සේනක ද සිල්වා යන පක්ෂ නායකයින්ද මෙම සාකච්ජාවට එක්ව තිබේ.
පොදු අපේක්ෂකයාගේ පොදු වැඩපිළිවෙලට අදාළ ජනාධිපති ක්‍රමය අහෝසි කිරීම, 17 වන ව්‍යවස්ථා සංශෝධනය බලාත්මක කිරීම, මැතිවරණ ක්‍රමයේ සංශෝධන වැනි දේශපාලනික කාරණා නාගරික සීමිත ජන කොටසකට වැදගත් විය හැකි වුවද, බහුතර ජනතාවට අවශ්‍ය වන්නේ පොදු අපේක්ෂකයාගෙන් තමන්ට ලැබෙන්නේ කුමක්ද කියන කාරණය බැවින්, අතට හිතට දැනෙන ආර්ථික 'පැකේජයක්' ද ඉදිරිපත් කරන්නයි ප්‍රේමදාස මහතා මෙහිදී යෝජනා කර ඇත.
එම යෝජනාව මුළුමනින්ම අනුමත කර ඇති එජාප නායකයා හා හිටපු ජනාධිපතිනිය, මෙම මැතිවරණ ව්‍යාපාරය තුල ග්‍රාමීය මැතිවරණ වැඩසටහන් මෙහෙයවීම සජිත් ප්‍රේමදාස මහතා වෙත පවරා ඇත.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.