ශී‍්‍ර ලංකාවේ ආර්ථිකයට ඇති අවදානම තවමත් පහව ගොස් නැතැයි මූඩිස් අන්තර්ජාතික ණය වර්ගීකරණ ආයතනය පවසනවා. එහි නවතම වාර්තාවක දැක්වෙන්නේ ඉකුත් වසර අවසානයේදී ශී‍්‍ර ලංකාවේ විදෙස් සංචිත ප‍්‍රමාණය අපේක්ෂිත අගයට වඩා අඩු වූ බවයි ජංගම ගිනුමේ හිඟයද වැඩි වෙමින් ඇතැයි පෙන්වා දී තිබෙනවා. ඒ නිසා සිදු වන්නේ බාහිර අංශයේ ආර්ථික සාධක දුර්වල වීමයි. එය වළක්වා ගැනීමට රාජ්‍ය ණය සහ අයවැය හිඟය අඩුකර ගැනීමට ශී‍්‍ර ලංකාව කඩිනමින් උත්සහ කළ යුතුව ඇතැයි අවධාරණය කෙරෙනවා. අනාගත ණය වර්ගීකරණයක්වලදී ශී‍්‍ර ලංකාවට හිමි ශේ‍්‍රණිය ඒ අනුව තීරණය වන බවයි මූඩිස් අන්තර්ජාතික ණය වර්ගීකරණ ආයතනය වැඩිදුරටත් පවසන්නේ.
මේ අතර ශී‍්‍ර ලංකාවේ මූල්‍ය පද්ධතිය ලෝකයේ අවදානම් සහගත මූල්‍ය පද්ධතීන්ගෙන් එකක් බව ෆිච් රේටින්ස් ආයතනය ඉකුත් දා ප‍්‍රකාශ කළා. මුදල් අමාත්‍යංශයේ ලේකම් පී.බී. ජයසුන්දර මහතා පැවසුවේ පවතින අවදානම ජය ගැනිම සඳහා ශී‍්‍ර ලංකාවේ පොලී අනුපාත වහාම නිවැරදි කළ යුතු බවයි.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.