තම වැටුප් විෂමතා ඉවත් කරන ලෙස බල කරමින් හෙට දිනයේ දී දීපව්‍යාප්ත වැඩ වර්ජනයක නිරත වීමට රජයේ වෛද්‍ය නිලධාරීන්ගේ සංගමය තීරණය කර තිබෙනවා. එම සංගමයේ මාධ්‍ය ප‍්‍රකාශක වෛද්‍ය නවීන් ද සොයිසා මහතා පැවසුවේ හෙට පෙරවරු 08 සිට වර්ජනය ආරම්භ කිරීමට සැලසුම් කර ඇති බවයි. වෛද්‍යවරුන්ට හිමිවිය යුතු දීමනා සියල්ල ලබා ගැනීම ද මෙම වර්ජනයේ එක් අරමුණක්. තමන්ගේ ඉල්ලීම් සාධාරණ බව රජය පිළිගෙන ඇති බවයි වෛද්‍ය නවීන් ද සොයිසා මහතා පැවසුවේ. එහෙත් එම ඉල්ලීම්වලට බලධාරීන් මෙතෙක් යහපත් ප‍්‍රතිචාරයක් නොදැක්විම හේතුවෙන් හෙට දිනයේ දී සංකේත වැඩ වර්ජනයක නිරත වීමට තීරණය කළ බව වෛද්‍ය නවීන් ද සොයිසා මහතා වැඩිදුරටත් කියා සිටියා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.