ගල්කිස්ස පොදු සුසාන භූමිය ඉදිරිපිටදී අද උදැසන සිදු වූ රිය අනතුරකින් පාසල් සිසු සිසුවියන් අට දෙනෙකු තුවාල ලැබුවා. ඔවුන් රැගත් වෑන් රථය බස් රථයක ගැටීමෙන් අනතුර සිදු වූ බවයි පොලීසිය පවසන්නේ. පාසල් වෑන් රථයේ රියැදුරුගේ නොසැලකිල්ල අනතුරට
හේතුව බව පොලිස් ප‍්‍රකාශක පොලිස් අධිකාරී නීතිඥ අජිත් රෝහණ මහතා පෙන්වා දුන්නා.
අනතුරින් තුවාල ලැබූ ශිෂ්‍ය ශිෂ්‍යාවන් සංඛ්‍යාව 9ක්. මූලික ප‍්‍රතිකාර ලබා ගැනීමෙන් පසු ඔවුන්ගෙන් හතර දෙනෙකු පිටව ගිය බව කළුබෝවිල ශික්ෂණ රෝහලේ අධ්‍යක්ෂ වෛද්‍ය අනිල් ජාසිංහ මහතා පවසනවා. බරපතල තත්වයේ පසු වූ ශිෂ්‍යයෙක් කොළඹ ජාතික රෝහලට මාරුකර යැවූ බවයි වැඩිදුරටත් ප‍්‍රකාශ කෙරුණේ. තවත් ශිෂ්‍යයන් දෙදෙනෙකු සහ ශිෂ්‍යාවන් දෙදෙනෙකු කළුබෝවිල ශික්ෂණ රෝහ්ලේම ප‍්‍රතිකාර ලබනවා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.