බුලත්කොහුපිටිය පොලිස් කෙට්ඨාශයට අයත් දම්වැල්ගොඩ බොස්සැල්ල ප්‍රදේශයේ වාහනයක සවිකරණ ලද අත්බෝම්බයක් කෑගල්ල බෙරගල හමුදා කඳවුරේ නිලධාරින් විසින් නිස්ක්‍රීය කර තිබෙනවා. වෑන් රථයක බපර් එකේ බැද තිබූ මෙම අත්බෝම්බය පිටරට නිෂ්පාදිත නොම්බර 82 අංකයට අයත් වූවක් බව එම හමුදා නිලධාරීන් පවසනවා. වෑන් රථයේ රියදුරු කුළී ගමනක් ගොස් නිවසට 13 වෙනි දින රාත්‍රී 7 ට පමණ පැමිණි පසු වෑන් රථයේ පිටුපස පාර්සලයක් තිබූ බව දැක බුලත් කොහුපිටිය පොලිසියට දන්වා තිබෙනවා. බුලත්කොහුපිටිය පොලිසිය පැමිණ මෙය පරික්ෂා කර එය අත්බෝම්බයක් බවට තහවුරු කරගෙන කෑගල්ල බෙරගල හමුදා කඳවුරට දන්වා පසු මෙය නිශ්ක්‍රීය කර තිබෙනවා. මේ සම්බන්ධව වැඩිදුර පරික්ෂණ බුලත්කොහුපිටිය පොලිසිය විසින් සිදු කරනවා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.