උද්ගතව ඇති මෙම තත්ත්වය පිළිබඳ උසස් අධ්‍යාපන නියෝජ්‍ය අමාත්‍ය නන්දිමිත‍්‍ර ඒකනායක මහතාගෙන් විමසීමක් කළා. නායකත්ව පුහුණුවට සහභාගි වන සිසුන්ට සැලකිය යුතු මුදලක් දැරීමට සිදුවන බව එහිදී අමාත්‍යවරයා ද පිළිගත්තා. කෙසේ වෙතත් වැය වන මුදලට වඩා ඉන් සිසුන්ට ලැබෙන ප‍්‍රතිලාභය වැඩි බවයි නන්දිමිත‍්‍ර ඒකනායක මහතා කියා සිටියේ.
කෙසේ වෙතත් අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු සංජීව බණ්ඩාර පෙන්වා දුන්නේ සිසුන් මෙන්ම දෙමව්පියන් ද නායකත්ව පුහුණුවට කැමැත්තක් නොදක්වන බවයි.
නමුත් පසුගිය සතියේ කළ සමීක්‍ෂණයක දී බහුතර සිසුන් සහ දෙමව්පියන් නායකත්ව පුහුණු වැඩසටහනට ඉහල ප‍්‍රතිචාරයක් දක්වා ඇතැයි උසස් අධ්‍යාපන නියෝජ්‍ය අමාත්‍යවරයා අවධාරණය කළා.
මෙතෙක් ප‍්‍රකාශයට පත් කර නැති විශ්ව විද්‍යාල ප‍්‍රවේශ කඩඉම් ලකුණු මේ මස අගදී සිසුන් වෙත ලබා දීමට නියමිත බව ද නන්දිමිත‍්‍ර ඒකනායක මහතා වැඩිදුරටත් පැවසුවා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.