උසස් පෙළ ගැන කළකිරී කිංග්ස්වුඩ් සිසුවා දිවි තොර කර ගනියි

මෙවර නිකුත් කෙරුණු උසස් පෙළ ප‍්‍රතිපල සම්බන්ධයෙන් දැඩි කනස්සල්ලට පත් වූ සිසුවෙකු සියදිවි හානි කරගෙන තිබෙනවා. මෙලෙස සියදිවි හානි කරගෙන ඇත්තේ මහනුවර කිංග්ස්වුඞ් විද්‍යාලයේ විද්‍යා අංශයෙන් උසස් පෙළ හැදෑරු 19 හැවිරිදි දමිත් චාමර සඳකැළුම් ශිෂ්‍යයායි. ඔහු නාරංවල ප‍්‍රදේශයේ පදිංචිකරුවෙක්. මෙම සිසුවා සිය කාමරයේ ගෙළ වැළලාගෙන සිටියදී අද උදෑසන සොයා ගැණුනා. උසස් පෙළ විභාගයට දැඩි කැපවීමකින් කටයුතු කර ඇති දමිත් චාමර හට ලැබී ඇති ප‍්‍රථිපලය වන්නේ සාමාන්‍ය සාමාර්ථ දෙකක් පමණයි. ඉන් ඇති වූ දැඩි කනස්සල්ල හේතුවෙන් මෙලෙස සියදිවි හානි කරගන්නට ඇතැයි සැක කෙරෙනවා.