පුත්තලම - හලාවත මාර්ගයේ ආරච්චිකට්ටුව ප‍්‍රදේශයේදී අලූයම සිදු වූ රිය අනතුරකින් පුද්ගලයින් තුන්දෙනෙකු ජීවිතක්ෂයට පත් වී තිබෙනවා. හලාවත දිස්ති‍්‍රක් රෝහල පැවසුවේ අනතුරින් බරපතල තුවාල ලැබූවන් 6 දෙනෙකු ප‍්‍රතිකාර සඳහා ඇතුළත් කෙරුණු බවයි.
ලොරි රථයක් සහ හලාවත ප‍්‍රදේශයේ සංගීත කණ්ඩායමක සාමාජිකයින් පිරිසක් රැගත් වෑන් රථයක් මුහුණට මුහුණලා ගැටීමෙන් අනතුර සිදු වුණා. අප වාර්තාකරු පැවසුවේ අනතුර සිදු වූ ස්ථානයේදීම වෑන් රථයේ ගමන් ගත් දෙදෙනෙකු මියගිය බවයි. අනෙක් පුද්ගලයා රෝහල් ගත කිරීමෙන් පසු මියගොස් තිබෙනවා. සංගීත කණ්ඩායම පුත්තලම තබ්බෝවේ පැවැති මංගල උත්සවයකට සහභාගි වී නැවත පැමිණෙමින් සිටියදී මෙම අනතුර සිදුව ඇතැයිද අප වාර්තාකරු ප‍්‍රකාශ කළා. පොලීසිය සැක කරන්නේ වෑන් රථයේ රියැදුරු බීමතින් සිටීම අනතුරට හේතුව වන්නට ඇති බවයි.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.