යෝජිත අමාත්‍ය මණ්ඩල සංශෝධනය ජනවාරි මස දෙවන සතියේදී සිදු කිරීමට ජනාධිපති මහින්ද රාජපක්ෂ මහතාගේ අවධානය යොමුව තිබෙනවා. රජයේ ජ්‍යෙෂ්ඨ ප‍්‍රකාශකයෙකු පැවසුවේ ජනවාරි මස පැවැත්වෙන දෙවන කැබිනට් මණ්ඩල රැස්වීමේදී මේ පිළිබඳ අවසන් තීරණයක් ගනු ඇති බවයි.
ප‍්‍රධාන අමාත්‍යංශ කිහිපයක අමාත්‍යවරුන් වෙනස් කිරීමටයි ජනාධිපතිවරයාගේ අවධානය යොමු වී තිබෙන්නේ. ඊට අමතරව නියෝජ්‍ය අමාත්‍ය ධුර කිහිපයක්ද අලූතින් ඇති කිරීමටද අවධානය යොමුව තිබෙනවා. ඒ සඳහා නිශාන්ත මුතුහෙට්ටිගම, සුදර්ශනී ප‍්‍රනාන්දු පුල්ලේ , මනුෂ නානායක්කාර සහ හේමාල් ගුණසේකර යන මන්තී‍්‍රවරුන්ගේ නම් ඊට යෝජනා වී ඇති බව සඳහන්. ඊට අමතරව තවත් අධීක්ෂණ මන්තී‍්‍ර ධුර කිහිපයක් ලබාදීමටද ජනාධිපතිවරයාගේ අවධානය යොමුවී තිබෙනවා. නවක මන්තී‍්‍රවරුන් දැක් වූ කුසලතා අනුව එ්වා ලබාදීමටයි තීරණය වී තිබෙන්නේ. නමුත් මෙම සංශෝධන සම්බන්ධයෙන් මෙතෙක් අවසන් තීරණයක් ගෙන නැහැ.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.