කොල්ලූ‍පිටියේ ක්ලියෝපැට්රා රාත‍‍්‍රී සමාජ ශාලාවට නයෙකු ගෙනවිත් රංගනයේ යෙදුනු බව කියන රූමත් තරුණියගේ ඇගපුරා නයා සපාකන ලද සලකුණ ඇතැයි කොළඹ ප‍්‍රධාන අධිකරණ වෛද්‍ය විශේෂඥ ආනන්ද සමරසේකර මහතා පවසනවා. එම නයාගේ විෂ දළ ඉවත්කර ඇතත් නයා සැකකාර රූමතියගේ සිරුර විටින් විට සපා කා අති බවට සලකුණු ඇතැයිද ඔහු අවධාරණය කරනවා.
සැකකාරිය පිළිමතලාව ප‍්‍රදේශයේ පදිංචිකාරියක් වන අතර ඇය අදාල සමාජ ශාලාවේ සේවිකාවක් බව පොලිස් මූලික පරීක්‍ෂණවලින් තහවුරුව තිබෙනවා. පොලීසිය පවසන්නේ මෙම තරුණිය විසින් නයාව රුපියල් 30,000කට ගාලූ මුවදොර පිටියේදී මිලදීගෙන බවයි.
එම රාත‍‍්‍රී සමාජ ශාලාවට පැමිණි අමුත්තකු විසින් කරන 119 වෙත කරන ලද පැමිණිල්ලකට අනුව සැකකාරිය පොලිස් අත්අඩංගුවට පත්වී තිබෙනවා. මෙම තරුණිය හා නයා සමාජ ශාලාවෙන් පොලිසියවෙත රැගෙන යනු ලැබුවේ ආවරණ සහිත ලොරි රථයක් ගෙනවිත් බවද වාර්තා වනවා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.