එක්‌සත් ජාතික පක්‍ෂය දිනන මාවතකට ගෙන ඒම සඳහා පත්කිරීමට නියමිත ඉහළ පෙළේ මණ්‌ඩලය සම්බන්ධව සාකච්ඡා කිරීමට රනිල් වික්‍රමසිංහ, කරු ජයසූරිය සහ සජිත් ප්‍රේමදාස යන මහත්වරුන් අද (15 දා) හමුවීමට නියමිත අතර ඊට පෙර අද රනිල් වික්‍රමසිංහ සහ සජිත් ප්‍රේමදාස මහත්වරුන් අතර විශේෂ සාකච්ඡාවක්‌ ද පැවැත්වෙනු ඇතැයි එජාප ආරංචි මාර්ග පවසනවා. මෙම හමුවීම අද සවස්‌ වරුවේ සිරිකොතදී සිදුවීමට නියමිත බවයි වාර්තා වන්නේ.
මේ මණ්‌ඩලය පත්කිරීම සම්බන්ධ සාකච්ඡාව අද සවස 5.00 ට පැවැත්වෙන අතර එහිදී මෙම මණ්‌ඩලය සඳහා සාමාජිකයන් ලෙස පත්කළ යුත්තේ කවුද හා එහි කාර්ය භාරය කුමක්ද යන්න පිළිබඳව දීර්ඝ වශයෙන් සාකච්ඡා කිරීමට නියමත බවද වාර්තා වනවා.
මෙම සාකච්ඡාව පසුගිය සතියේ බ්‍රහස්‌පතින්දා පැවැත්වීමට නියමිත වුවද සජිත් ප්‍රේමදාස මහතා එය කල් දමන ලෙස ඉල්ලා තිබුණා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.