ජනාධිපති මෛත්‍රිපාල සිරිසේන මහතා හා අග්‍රාමාත්‍ය රනිල් වික්‍රමසිංහ මහතා ප්‍රමුඛ කැබිනට් මණ්ඩලය අද පස්වරුවේ රැස්වී ගනු ලැබූ තීරණයකට අනූව නව මිල ගණන් මෙසේය.
ඔක්ටේන් 92 වර්ගයේ පෙට්‍රල් ලීටරයක නව මිල රුපියල් 117කි. පෙර මිල රුපියල් 150කි. අඩුකළ මුදල රුපියල් 33කි.
ඔක්ටේන් 95 වර්ගයේ පෙට්‍රල් ලීටරයක නව මිල රුපියල් 128කි. පෙර මිල රුපියල් 158කි. අඩුකළ මුදල රුපියල් 30කි.
ඩීසල් (සුපිරි) ලීටරයක නව මිල රුපියල් 110කි. පෙර මිල රුපියල් 133කි. අඩුකළ මුදල රුපියල් 23කි.
ඩීසල් (සාමාන්‍ය) ලීටරයක නව මිල රුපියල් 95කි.පෙර මිල රුපියල් 111කි. අඩුකළ මුදල රුපියල් 16කි.
භූමිතෙල් ලීටරයක නව මිල රුපියල් 65කි. පෙර මිල රුපියල් 81කි. අඩුකළ මුදල රුපියල් 16කි.
ඉදිරියේදී ලෝක වෙළඳපොලේ ඉන්ධන මිළ ගණන් වෙනස්වීම හා වෙනත් වෙළඳපොළ ක්‍රියාකාරකම් මත පදනම්ව රටේ ආර්ථිකයට ගැළපෙන අයුරින් ජනාධිපතිතුමාගේ, අග්‍රාමාත්‍යතුමාගේ සහ මුදල් අමාත්‍යතුමාගේ උපදෙස් මත ඉන්ධන සඳහා කඩිනමින් මිල සූත්‍රයක් හඳුන්වා දෙන බවද විදුලිබල අමාත්‍ය පාඨලී චම්පික රණවක මහතා අවධාරණය කර සිටී.
කෙසේ වෙතත් පසුගියදා විදුලිබල නියෝජ්‍ය ඇමති පාලිත රංගේ බණ්ඩාර කියා සිටියේ එළඹෙන නිදහස් දිනයට සමගාමීව ඉන්ධන මිල පහත දමන බවකි.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.