චිත්‍රපට නිළියකට අයත් යැයි කියන මොරටුවල සාගර පටුමගේ පිහිටි තෙමහල් හෝටලයක් පානදුර, වලාන දූෂණ මර්ධන බලකාය විසින් අද (23) සවස වටලා තිබෙනවා. එහිදී එහි ගණිකා වෘත්තියේ යෙදී සිටි බවට සැකකොට කාන්තාවන් දෙදෙනෙක් සමග විශ්‍රාමික පොලිස් නිලධාරියෙක් අත්අඩංගුවට ගෙන තිබෙනවා. මෙම විශ්‍රාමික පොලිස් නිලධාරියා කළමනාකරු වශයෙන් සේවය කළ පුද්ගලයා බවට පොලිසිය විසින් හඳුනා ගෙන ඇත.
මොරටු‍ව උසාවියෙන් ලබාගත් සෝදිසි කිරීමේ වරෙන්තුවක් මත මෙම වැටලීම සිදුකර තිබෙනවා. අත්අඩංගුවට පත් වූ කාන්තාවන් දෙදෙනාගෙන් එක් කාන්තාවක් 21 හැවිරිදි මුස්ලිම් ජාතික කාන්තාවක්. ඇය අත්අඩංගුවට පත්වන අවස්ථාවේ වයස අවුරුදු එකයි මාස තුනක් වයසැති ඇයගේ දරුවාද එම හෝටලයේ සිටි බව පොලිසිය පවසනවා. 30 හැවිරිදි දෙමළ කාන්තාව අත්අඩංගුවට පත්වන අවස්ථාවේ බීමතින් සිට ඇත.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.