බී.බී.සී ලෝක සේවයේ සිංහල සේවා අංශ ප‍්‍රධානී ප‍්‍රියත් ලියනගේ මහතාගේ සේවය අත්හිටුවා තිබෙනවා. ඔහුගේ වැඩ අත්හිටවු බව බී.බී.සී සිංහල අංශයේ සෙසු කාර්ය මණ්ඩලයට ලිඛිතව දැනුම් දී තිබෙනවා. ඒ අනුව සිංහල සේවයේ සියලූ ක‍්‍රියාකාරකම් බි‍්‍රතාන්‍ය ජාතිකයින් යටතට ගෙන ඇති බවද වාර්තා වුණා. ශ‍්‍රී ලාංකිකයෙකුගේ අධීක්‍ෂණයෙන් බැහැරව සිංහල සේවය වෙනත් ජාතිකයෙකුට පැවරු ප‍්‍රථම අවස්ථාව ද මෙයයි. බී.බී.සී සිංහල සේවය ඔස්සේ විකාශය කෙරෙන සංදේශය වැඩ සටහනේ අන්තර්ගත සියලූ කරුණු ඉංග‍්‍රිසි මාධ්‍යයට පරිවර්ථනය කර බි.බි.සී ප‍්‍රධානීන්ගේ අවසරය ලබා ගැනීම ද අනිවාර්ය කර තිබෙනවා. මීට හේතුවී ඇත්තේ බී.බී.සී ලෝක සේවයේ ෆ‍්‍රැන්සිස් හැරිසන් ඉදිරිපත් කළ වාර්තා වැඩසටහනකට අදාලව සිංහල භාෂාවෙන් ඉදිරිපත් කෙරුණු වැඩසටහනක්. එය බී.බී.සී වෙබ් අඩවියෙන් ද ඉවත් කර තිබෙනවා. එම මුල් වැඩසටහන සම්බන්ධයෙන් විවේචනාත්මක අදහස් ඇතුලත් කර සිංහල වැඩසටහනක් ඉදිරිපත් කිරීම ප‍්‍රියත් ලියනගේ මහතාගේ සේවය අත්හිටුවීමට හේතුවී ඇති බවයි වැඩිදුරටත් වාර්තාවුණේ.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.