ඇඹිලිපිටිය, හල්මිල්ලකැටිය ප‍්‍රදේශයේ ඊයේ රාත‍්‍රියේ සිදුවු වෙඩි තැබීමකින් පුද්ගලයෙකු ජිවිතක්‍ෂයට පත්ව තිබෙනවා. පොලිසිය පැවසුවේ ඊයේ රාත‍්‍රියේ පැවති සාදයක දී මත්පැන් පානය කරමින් සිටිය දී ඇති වු බහින්බස් විමක් දුර දිග යාම හේතුවෙන් මිය ගිය පුද්ගලයාට එහි සිටි අයෙකු වෙඩි තබා ඇති බවයි. වෙඩි තැබීමෙන් තුවාල ලැබු තැනැත්තා ඇඹිලිපිිටිය රෝහලට ඇතුලත් කිරීමෙන් පසු මිය ගොස් තිබෙනවා.ඔහු 31 හැවිරිදි මාතර, කැකණදුර ප‍්‍රදේශයේ පදිංචිකරුවෙකු බවයි අනාවරණ වී ඇත්තේ. සිද්ධියට සම්බන්ධ සැකකරුවන් අනාවරණ කර ගෙන ඇති අතර ඔවුන් අත්අඩංගුවට ගැනීම සඳහා ඇඹිලිපිටිය පොලිසිය වැඩිදුර පරික්‍ෂණ පවත්වනවා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.