"සුබ අලුත් අවුරුද්දක් වේවා. මට අවුරුදු තුනක් අවුරුද්ද දවසේ හිරබත් කන්න සලස්සපු අයටත්, ඒකෙන් කාලකන්නි සතුටක් ලබන අයටත් සුබ අලුත් අවුරුද්දක් වේවායි කියා මං ප්‍රාර්ථනා කරනවා. ජයවේවා”යයි හිටපු යුධ හමුදාපති සරත් ෆොන්සේකා මහතා පැවසිය.
සිරදඬුවම් නියමව වැලිකඩ බන්ධනාගාරයේ රඳවා සිටින හිටපු යුද හමුදාපති සරත් ෆොන්සේකා මහතා වෛද්‍ය ප්‍රතිකාර සඳහා ඊයේ (17) පෞද්ගලික රෝහලකට රැගෙන එනු ලැබූ අවස්ථාවේදීල එහි පැමිණ සිටි මාධ්‍යවේදීන් අමතමින් ඔහු එසේ පැවසිය.
ෆොන්සේකා මහතා වෛද්‍ය උපදෙස්‌ මත භෞතචිකිත්සක ප්‍රතිකාර සඳහා ඊයේ කොළඹ පෞද්ගලික රෝහලකට පැමිණ පැයක පමණ ප්‍රතිකාර ලබා ගැනීමෙන් පසු නැවත වැලිකඩ බන්ධනාගාරය වෙත රැගෙන යනු ලැබීය. ඒ මහතා රෝහලට රැගෙන එනු ලැබූ අවස්‌ථාවේදී පවුලේ ඥතීහු සහ ආධාරකරුවෝ රැසක්‌ද රෝහල වෙත පැමිණ සිටියහ.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.