පුත්තලම අනුරාධපුර මාර්ගයේ කරුවලගස්වැව ප‍්‍රදේශයේදී අද උදෑසන සිදු වූ රිය අනතුරකින් පුද්ගලයන් තුන් දෙනෙකු මියගොස් තිබෙනවා.
තවත් අට දෙනෙකු තුවාල ලබා පුත්තලම මූලික රෝහලට ඇතුළත් කර තිබෙනවා. තුවාල ලැබූවන්ගෙන් තිදෙනෙක් කාන්තාවන් වනවා.
නවතා තිබූ සිමෙන්ති කොට්ට රැගත් ලොරියක වෑන් රථයක් ගැටීමෙන් මෙම අනතුර සිදුව තිබෙනවා. මියගිය අය අතර මාස දහයක කුඩා දරුවෙකුද සිටින බවයි පොලීසිය පවසන්නේ. මියගිය අතර පනස්තුන් හැවිරිදි කාන්තාවක් සහ පනස්අට හැවිරිදි පුද්ගලයෙකුද වනවා. අනුරාධපුරය බලා යමින් සිටි පිරිසක් අනතුරට ලක්ව ඇති බවයි පොලිස් මාධ්‍ය ප‍්‍රකාශක කාර්යාලය පැවසුවේ.
මේ අතර වැලිගම කප්පරතොට ප‍්‍රදේශයේ අද අලූයම සිදු වූ රිය අනතුරකින් පුද්ගලයෙකු ජීවිතක්ෂයට පත්ව තිබෙනවා. මාතර සිට කොළඹ බලා ධාවනය වූ පෞද්ගලික බස් රථයක් සහ ත‍්‍රිරෝද රථයක් එකිනෙක ගැටීමෙන් අනතුර සිදුව තිබෙනවා. ඉන් ත‍්‍රිරෝද රථයේ රියදුරු ජීවිතක්ෂයට පත්වුණා. එහි ගමන්ගත් තවත් තිදෙනෙකු ප‍්‍රතිකාර සඳහා ඇතුළත් කෙරුණේ කරාපිටිය රෝහලටයි. ත‍්‍රිරෝද රථයේ ගමන් කර ඇත්තේ සාදයකට පැමිණි පිරිසක්. අනතුර සම්බන්ධයෙන් පෞද්ගලික බස් රථයේ රියදුරු අත්අඩංගුවට ගෙන තිබෙනවා.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.