යාපනයේ නාවක්‌කුලි ප්‍රදේශයේ පදිංචියට ගිය සිංහල වැසියන් පිරිසකට ඉකුත් 15 දා දහවල් දෙමළ ජාතික සන්ධානයේ පාර්ලිමේන්තු මන්ත්‍රීවරයකු පැමිණ තර්ජනය කළ බව එම සිංහල වැසියෝ ප්‍රකාශ කරති.
මෙම මන්ත්‍රීවරයා පැමිණ සිංහල වැසියන්ට යාපනයේ පදිංචිවීමට ඉඩක්‌ නොමැති බවද ඔවුන්ට අයිති මැදවච්චියෙන් එහා ප්‍රදේශය බවද පවසා යාපනයෙන් ඉවත්ව නොගිය හොත් "පසුව බලාගන්නම්" යනුවෙන් ප්‍රකාශ කොට තිබේ.
යාපනයට ගිය සිංහල වැසියන්ට එක්‌ පවුලකට පර්චස්‌ 15 බැගින් නාවක්‌කුලි ප්‍රදේශයෙන් ඉඩම් ලබාදී ඇති අතර ඒවායෙහි මිනුම් කටයුතු ද අවසන් වී තිබේ. ඇතැම් පවුල් තමන්ට ලැබුණු ඉඩම්වල නිවාස ඉදිකර ගැනීම පිණිස අත්තිවාරම්ද දමා තිබේ.
යාපනයට ගිය සිංහල වැසියන්ට තර්ජනය කළේ කිළිනොච්චියේ එස්‌. ශ්‍රීධරන් මන්ත්‍රීවරයා බවට තොරතුරු හෙළිවීමෙන් පසුව මන්ත්‍රීවරයාගෙන් තොරතුරු විමසීමේදී ඔහු කියා සිටියේ තමන් පාරේ යන අතරතුර මේ පිරිස දැක කතාබහ කළා මිස ඔවුන්ට තර්ජනය නොකළ බවයි. කෙසේ නමුත් දකුණේ සිංහල වැසියන් පිරිසකට යාපනයේදී ඉඩම් ලැබුණේ කෙසේද යන්න පිළිබඳව තමන් කරුණු සොයා බලමින් සිටින බවද ශ්‍රී ධරන් මන්ත්‍රීවරයා වැඩිදුරටත් පැවසීය.
No comments:
Post a Comment
මෙම පුවත ගැන ඔබට දැනෙන දේ කුමක්ද? එය කුමක් වුවත් කම් නැත. එය මෙහි සටහන් කර යන්න.... එය අපට මහත් ආශීර්වාදයකි.